Trofimo wa Efeso

Trofimo wa Efeso (kwa Kigiriki: Τρόφιμος ὁ Ἐφέσιος, Tróphimos ho Ephésios; alifariki Sinnada, Frigia, leo nchini Uturuki^[1]) alikuwa Mkristo kutoka mji huo wa Asia Ndogo (Mdo 20:4) aliyeongozana na Mtume Paulo na wenzake wengine katika sehemu ya safari yake ya tatu ya kimisionari hadi Yerusalemu^[2].

Kwa kuwa alikuwa mtu wa mataifa (Mdo 21), Wayahudi walidhani kwamba Paulo alimuingiza mpaka ndani kabisa ya Hekalu, sehemu ambayo ilikuwa kwa taifa lao tu (Mdo 21:28). Ndiyo sababu ya jaribio la kumuua Paulo lililoishia katika miaka zaidi ya 4 ya kifungo kati ya Kaisarea Baharini na Roma (58-63).

Baada ya kurudishiwa uhuru, Paulo alimuandikia Timotheo kwamba alimuacha Trofimo huko Mileto kwa sababu ya ugonjwa.^[3] Habari hiyo inahusu safari nyingine iliyofuata.

Tangu kale anaheshimiwa na Kanisa Katoliki na Waorthodoksi kama mtakatifu mfiadini.

Sikukuu yake huadhimishwa tarehe 19 Septemba^[4].

1. ↑ https://www.santiebeati.it/dettaglio/70760
2. ↑ "www.Bibler.org - Dictionary - Trophimus". 2012-07-26.
3. ↑ 2Tim 4:20
4. ↑ Martyrologium Romanum